होऊ दे चांगभल
पाटाया पाण्यावर हेत दुबार आवलं
महालक्षुमीकृपेनं बग नवसाला पावलं
डोंगरी दादुस नांग कात टाकून राह्यलं
होऊ देरे डोंगरदेवा त्याह आता चांगभलं
मातीहा माहणू दिनरात राब राब राबला
आवळा देऊन धनकोनं कोहळा काढला
सोयी सवलती मोप परि कागदावर झोल
होऊ देरे डोंगरदेवा त्याह आता चांगभलं
हिरवी शिरमंती लाहो देवा सोनं केशरी
शिकून शाळा दादूस बन डोंगरी पुढारी
वेठबिगारीहं दुःख बापजाद्यांनी भोगलं
होऊ देरे डोंगरदेवा त्याह आता चांगभलं
हो दादुस शहाणा आता शिकून विज्ञान
घात करी अडाण्याहा घोर- अघोर अज्ञान
बो प्रयासानं तुज जिल्हा पालघर बहाल
होऊ देरे डोंगरदेवा त्याह आता चांगभलं
...........हेमंतराम पाटील.
No comments:
Post a Comment