दशाक्षरी
माऊली
आभाळागत माया अपार
तुळता तुळे नच कदापि
प्रेमाची वटवृक्ष सावली
मापता थिटे अंकगणित
मायेचा पदर तू माऊली
माऊलीवीण विश्व हे शून्य
तिन्ही जगाचा स्वामी भिकारी
माय महिमा अपरंपार
बाळा घडवी विश्वमानव
शिकवोनी जीवनसंस्कार
संस्काराची अमोल दौलत
उद्धारी कन्यापूत्र भूवरी
अथांग मायेचा हा निर्झर
फुलविण्या शैशव बगीचा
पाझरतो चिर निरंतर
कवी - हेमंत राम पाटील
दहिसर, मुंबई.
पितरमुक्तिदा कागळा
होतात मरणांती माहणं जर का कागळे
मग धर्म जात पंथ मानती का वेगळे
मुळात माहणा रुपांतर कागळ्यात क्यव
या प्रश्नावर आजविरी जालयं बो कावकाव
आंबा लावला ते आंबास उगवेन पेरू नय
मंग माहणाया कागळा होणं अशक्य हाय
खरोखर कागळ्यांना पूर्वज जर का मानता
तर वहरभर तुमी त्यांना हाडतुड का करता
बरं गोरी माहणं गोरे कागळे होणे तर्कसंगत
पण सब्बन कागळे दिहतात काळ्या रंगात
कागळ्या रूपात पित्र येतात का? देव जाणे
पण पितृपाखी कावकाव कागळा धार्जिणे
जेत्या आठी मेल्या खजूर वाटी पुत्र ऐसा गुंडा
पितरमुक्तिदा कागळा करी त्यांसा जीव थंडा
कवी - हेमंत राम पाटील. दहिसर-मुंबई.
8108419392.
दशाक्षरी
साद तुला मानवा
तू नूतन जगताची आशा
करू नको निसर्ग विनाश
या देशी तुज नसे वानवा
रक्ष रक्ष तू पर्यावरणा
साद देते तुला मी मानवा
दुःखी आहे आज वसुंधरा
समतोल सारा बिघडला
तूच आहेस जबाबदार
सत्य आकळेल तुज जवा
बडवशील तू फक्त ऊर
निघोनिया जाईल ती वेळ
हाती काही उरणार नाही
यावे भानावर आता तरि
उभारूनी सिमेंट जंगल
दुर्लभ जाण कांदा भाकरी
कवी- हेमंत राम पाटील.
दहिसर, मुंबई.
दशाक्षरी
हात तुझा हाती असताना
हात तुझा हाती असताना
मम मनासी भय कोठले
तोल सांभाळशी सर्वेश्वरा
वाट चालताना ढेपाळताना
सोबत करी देई सहारा
जीवन सहारा वाळवंट
पाणवठा आढळेना कोठे
बिकट घाट कठीण वाट
अनोळखी परिसर मोठा
दिसेना कुठेही वहिवाट
परि तुजवर भरवसा
सोबत तू सोडणार नाही
दिलासा दिलास सदोदीत
अमूर्त रूपात चराचरी
नीज भक्तांसी देतोस हात
हेमंत राम पाटील.
दहिसर,मुंबई.
8108419392.
पणतू हांगे पणज्याला
भोट्टृयाबा आयकून घेटली तुही कथा
आता तू पण आयक जरा पोरांही व्यथा
गाव होडून नोकरीहाटी पोरं आली शहरी
कायबाय पूर्वजाया वाटण्या कोडं भारी
दहा गुंठे सलग जमीन दुर्लभ वाट्याला
मंग हांगबा पोरटोरं रेतीन क्यव गावाला
जे हिकले हवरले नय पण जमीन मोप
त्यांना गावातस हपमम काम लय सोप
आता तुमसे नातू पणतू थेट विदेशाला
आरक्षणा शाप नयते हौस नय कोणाला
हगेहोयरे उपरे हमजून परके करतात
तवा आदिस तुटलेली मनं दुभंगतात
अरे तुमाला वाटते वृद्धाश्रमी दुरावा
पण घरकोंडमार्यापेक्षा वृद्धाश्रम बरवा
जे आजकाल ओवा न होकर्यातय रेतात
त्यांसी होते नटसम्राटाहरकी वाईट गत
तरि बग भोट्टृयाबा नेत तुला लंडनला
पण किंगलियरसी हालत रडवेल तुला
कवी - हेमंत राम पाटील.
दहिसर, मुंबई.
8108419392.
ना खेद ना खंत
ते कर्जबुडवे मल्लमोदी देश सोडूनी गेले
बँकां खड्ड्यात घालून तोंड काळे केले
अवघा पैसा मार्गी लावून मार्गस्थ झाले
या चोरांना आधारावीण कैसे शक्य झाले
जोवर गुर्हाळ तोवर मुंगळे गुळाला लपटले
बुरे दिन आणून साले तोंड काळेकर्ते झाले
मद्यदुकान शाबूत स्वीसबँक द्रव्यही सुरक्षीत
मल्ल्या लपला विदेशी त्यास ना खेद ना खंत
गंडाघालून खड्डयात घालती देश महाभाग
पकडून त्यांना सरणावर ढुंगणी लावा आग
या भाड्यांना सहारा देती जे कोणी जगतात
खयभंग त्यांचा होईल घडेल पुनः महाभारत
......कवी- हेमंत राम पाटील.8108419392.
दहिसर,मुंबई.
दशाक्षरी
देतो निरोप
देतो निरोप तुला गणेशा
सकल कला नि विद्यादाता
सुखकर्ता तू विघ्नहर्ता तू
प्रतिवर्षी पुनरागमन
देशी दर्शन भक्तगणा तू
दर्शनात होई समाधान
आरती गाता हरपे भान
कार्यारंभी तव पूजाअर्चा
एक हस्त तत्पर सदैव
द्यावया सकला आशीर्वचा
तव कृपेचा वरदहस्त
निरवी अघोरी संकटाला
ऐसा गणेश भाग्यविधाता
ब्रम्हांडीचा गणनायक तू
तूच कर्ता आणि करविता
कवी - हेमंत राम पाटील.
दहिसर,मुंबई.
8108419392.
दशाक्षरी काव्य
गोवर आली , करू स्वागत
गोवर बाय आली वस्तीला
फूलपत्री अलंकार साज
चंदनी पाऊली प्रवेशित
भाणोशी सदनी विराजली
गोवर आली करू स्वागत
माहेराशी आनंद सोहळा
गोवर बायजी हरखली
हिरवा शालू लागला खुलू
सखया सार्या होऊन गोळा
घालून पिंगा लागल्या डोलू
गोवराईचा नैवेद्य खासा
रांधियला ताजा बासा मासा
गोवराई जेवली थाटात
माहेरी झाला मोठा उल्लास
गोवर पूजीली भादव्यात
कवी- हेमंत राम पाटील
मुंबई --१६/९/१८.
8108419392.
समोसा चटणीत मेला उंदीर
समोसा चटणीत सापडला मेला उंदीर
साक्षात पुण्यनगरीत हा घडला प्रकार
समोसा प्रेमींनो यापुढे व्हावे सावधान
बाजारू पोटोबा करताना जरा जपून
बघा साठीपार घरगुती खाणारे वयस्कर
जगतात जीणं खुंटीवर टांगून आजार
कारण बालपणापासून नियम पाळीती
फक्त दोन वेळा भुकेपोटी खिचडी खाती
पण आता चुलीपुढे उभे कोण ठाकणार
आयते खाणार त्याला ढाबेवाला देणार
शुगर कोलेस्ट्रल पोटढेरी जरि वाढणार
झुरळसुंदरी पालीउंदरी मृत लज्जतदार
यदाकदा होते सामुहीक अन्न विषबाधा
भय का उरी मीरानं पचवलं जहर राधा
नातरि कृष्ण धूरवायू जल ध्वनी प्रदूषण
बनविली मायभू नतद्रष्टांनो विषारी खाण
कवी - हेमंत राम पाटील.१५/९/१८
दहिसर,मुंबई .8108419392.
दशाक्षरी
दूरदेशी बाप
बाप माझा गेला दूरदेशी
नांदतो मजेत ऋषीकेशी
वृद्धाश्रम दूरदेशी बरा
सून प्रेमविवाहाची राणी
मामंजी गडी स्वतःच्या घरा
निवृत्तीवेतन खर्ची जाय
सूनमाहेर लोळे चैनीत
ठेविला पोरं मुठीत बयेनं
थांगपत्ताही लागू न देता
बापाचं आश्रमी आगमन
सांगा बापाच काय चुकलं
एकुलत्या दिधलं सर्वस्व
कोणी कोणाचं नसते अंती
सत्य आकळे निरोप घेता
दूरआश्रमी चिर विश्रांती
कवी -- हेमंत राम पाटील.
दहिसर, मुंबई.
8108419392
स्पर्धेसाठी
स्त्रीशक्ती जागर जाणिवांचा
क्रांतीज्योत सावित्रिशी आहे तुझे नातें
ज्ञानसंपन्न होऊन घे हाती प्रगती मशाल
स्त्रीशक्ती महाशक्ती जागर जाणिवांचा
भगवान तथागतांचे उमलते ज्ञानकमल
आदिशक्ती अंबाबाई तुझीच मूर्तिमंत रुपे
तू चाल पुढे नको राहूअशी उगा पाठीसरी
भीमशक्ती आधार तुझा स्वतंत्र या भारती
रणरागिणी गृहस्वामिनी आधुनिक तू नारी
अन्याय अत्याचार सोसणे हाही गुन्हाच
नारीशक्ती पाठीशी नाही तू अबला आता
भित्यापाठी ब्रम्हराक्षस भक्ष्य होऊ नको
हिंमत दाव जरा बनशील तूच तुझा त्राता
थरावर थर रचून गौळणी फोडी दहिहंडी
कुठेही उणी ना नराहून आजची शूर नार
कृष्णजन्म सोहळ्यास राधिकाचा पाळणा
स्त्रीशक्ती जागर जाणिवां जोजवी ज्ञानदोर
कवी- हेमंत राम पाटील. मुंबई.
8108419392.
