लगीनगीत

लगीनगीत

सला सला सला लगीनाला सला
साळकाया माळकाया लगीनाला सला

वाडवळ माळी नवरा महान
माळीण बाय शोभे नवरी छान
नाचूया गाऊया हरपून भान
गानूबाय घेई तानेवर तान
नवरा बोहल्यावर खोळंबला
मामार्यांनो आणा नवरीला ll सला सला...

वर्हाडी जमले पाटील राऊत
पुरव -चौधरी  म्हात्रे -ठाकूर
लगीनमंडपी बाया-बाप्यांसा
पोरापोरींसा कल्लोळ फार
लग्नगीतं धन बायबोलीला
जावू सला धमाल पहायला ll सला सला....

झडे चौघडा वाजे बेंडबाजा
वाजे ढोलक वाजे सनई
सुरावटीया नादावरती
पायी थिरकली बो तरूणाई
अंतःपटाया अडसर सरला
नवरी मिळे ही नवर्याला ll सला सला.....

  कविवर  हेमंतराम पाटील - दहिसर-मुंबई.

कटृयाहा पाळणा

कटृयाहा पाळणा
कट्टा जो जो रे मनमोहना । सुखवी वाडवळांना ।

रंजन करी सब्बना । पेरून शब्दधना॥धृ॥

पाळणा लांबविला नरपडासी । वाडवळांसे वंशी ।

बायबोलीह्या कुशी । उल्लास जकल्यांसी॥१॥

वाडवळी पालखी  । कवडेक अनोळखी l

दाविती भाषिक कुरखी ! मंडळी नवखी !!२!!

हालवी परवीणा सुंदरी । धरुनी कट्टादोरी ।

वाडवळी वाजे पिपेरी । जयू जयजयकारी ॥३॥

कट्टाव्यापकां  कवीराया । काव्य करी रमवाया  ।

विडंबन करुनिया । जागर वाडवळीबोलीया ॥४॥

येऊनि कटृयावर सत्वर । देती प्रत्युत्तर ।

सबासद भगिनी बंधूवर। कवतुकती अपार ॥५॥

कविवर भावभुकेला । कट्टाधीन जाला ।

झिजवून झरणीला। पाळणा रचियला ॥६॥

     कविवर पी. हेमंतराम वरोरकर.
8108419392.

वाडवळी अभंग

वाडवळी अभंग

आमी वाडवळ l  पिकविले मळे l
दिली  कंदमुळे l बहुजना ll

सरावण येता l स्वयंपाक मोळा l
सात्विक भोळा l समाधानी ll

दोन गुंठे वाडा l घरा पाठीमागे l
भाजी भेंडे वांगे l लागवड ll

रमाई वाड्यात l पावसाळी भाज्या l
घण्याघण्या ताज्या l स्वस्तमस्त ll

बावी भोवताली l आळवाचा खाडा l
हिपण्यानं माडा l तरारला ll

काकडीच्या वेला l लागल्या काकड्या l
जरि त्या वाकड्या l चवदार ll

भाटात पेरला l पावटा उळीद l
समद्यांना खाद l तोंडीलावा ll

वय उंबर्याला l केळी नि पपया l
पक्वफळ खाया l सुमधूर ll

आंब्या ओहतारी l उगवले धेणे l
ईश्वराहे देणे l हेरा म्हणे ll

.....पी.हेमंतराम  कविवर. दहिसर-मुंबई.

8108419392.

मा. तरंगदा, आगामी वाडवळी बुकाहाटी
वाडवळी अभंग देत आहे.कृ. नोंद व्हावी.

गे माय वाडवळी

🔤गे माय वाडवळी ....

गे माय वाडवळी तुह्ये कहे होवू उतराई
माही झरणी पाझरून तुहेस कवन गाई....||धृ||

बायबोलीहा डोलारा माही लेखणी पेलेल
तुह्या शब्दरूप आभाळा गवसणी  घालेल
बायबोली तोरण बांधू येथं वाडवळ भाई
गे माय वाडवळी तुह्ये कहे होवू उतराई  !!१!!

फडकवू निशाण नभी दुमदूमवू दिशादाही
तोलेल धरणीला शेषशाही वाडवळी माही
वर्धेल वाडवळी उणावणार नाही शाई
गे माय वाडवळी तुह्ये कहे होवू उतराई !!२!!

ऊघडले माऊलीने मायबोलीहे भांडार
चार हारी चार दारी ज्ञानघागरी घरोघर
आयाबायांनो  घातली वाडवळी ज्ञानपोई
गे माय वाडवळी तुह्ये कहे होवू उतराई !!३!!

भरा शब्दजले कलश घागरी तमाणी
वदनी लेखणी दिहू दे वाडवळी वाणी
आजविरी उपेक्षित परि आता नवलाई
गे माय वाडवळी तुह्ये कहे होवू उतराई !!४!!

आख्ख्या जगात आपुली मिरवू वाडवळी
अवघे मायमराठी कुंकू विराजो तिहे भाळी
सातासमुद्रापल्याड नांदो वाडवळी विठाई
गे माय वाडवळी तुह्ये कहे होवू उतराई  !!५!!

     पी.हेमंतराम कविवर. दहिसर-मुंबई.
8108419392.

वाडवळी माही

----------- वाडवळी माही----------

टपोरी स्वप्नांही  । खाण कवितांही
डोकावून पाही । वाडवळी माही !! १ !!

निवडुंगी वाणी । काळजाही राणी
नवाजते घणी । वाडवळी माही !! २ !!

आला गेला कोणी । होय ज्ञानी झणी
ऐसी हिरकणी। वाडवळी माही !! ३ !!

होनं, सांदी, नाणी । कविवर गाणी
शाहिरांसी वाणी । वाडवळी माही!! ४ !!

बायबोली ग्रंथ । शब्द धनवंत
करूया रवंथ ।वाडवळी माही !! ५ !!

समुंदरी लाट । वळणायी वाट
नागमोडी घाट । वाडवळी माही!! ६ !!

आभिमान मज । महाराष्ट्री राज
गर्जेल कवन । वाडवळी माही !! ७ !!

पारिजात सडा । घड ताडा-माडा
बहरेल वाडा । वाडवळी माही !! ८ !!

हृदयी वसंत। मनात हेमंत
झरणी झरेल । वाडवळी माही !! ९ !!

-----  पी. हेमंतराम वरोरकर.
मुंबई. 8108419392

मेल्या खाजूर वाटी

मेल्या खाजूर वाटी.

जिंदेपणी खाऊ घातला नय
साधासुधा सिसकडी-भात.
‌पकवान्न मटण आराटतात
अकराव्या बाराव्यात
षण्मासिक वर्ष श्राद्धास
      कैक पंक्ती जेवू घालतात
कावकाव करुन पीतरमुक्तीहा
    भोट्टा बोभाटा करतात

कावळा पींडाला चोंच मारीना
जीते जींव यांसे चुळबुळ करतात
नरड्यात चार घास पडून तुंबडी
भरव्याहाटी कावळे कोकलतात
घोटभर गोडाया श्याहाटी
डोकरपणी तळमळवतात
मरणांती ग्राईप वाटर चखणा
कवतुकानं ओली पार्टी करतात

जित्तेपणी मथुरा-काशी
तीर्थ स्थान नय नशिबात
मयत जाल्या बरोबर बघा
अस्ति पोसल्या वाराणशीत
जनलोक म्हणती हायहाय
तेवढ्यापुरती महणात
जित्या दिली आठी हयातीत
मेल्या खजूर वाटतात

      पी. हेमंतराम कविवर. दहिसर-मुंबई.
8108419392.

———————————

मायाबाजार

मायाबाजार

जकला दुनियाभर स्वार्थाया बाजार
जडलायं माहणाला कलियुगी आजार
बेगडी बुरखा पांघरून हिंडे नारायण
दुहर्याला लावत हेंड्या जगतोय जीणं

लखलख लालदिव्या गाडीतून फिरतोय
जनधन सब्बन आपकमाई हमजतोयं
भाजतोय पोळी  तापल्या  तव्यावर
जनतेया  तिजोरीवर नेताजीही नजर

भरोसा ठेव्यागत हाय काय व्यवहार
दिहे नय साफसुथरा उजळ कारभार
तूर्तास तरि घणी लांडी लबाडी पाही
तुहं ते माहं अन माहं ते कमाई बापाही

क्यालारं  कोणसी हालहवाल विसारते
एकपुतीव रडते न सातपुती पण रडते
लेकुरं उदंड मोप, मातला सैतान भारी
गोड गोड बोलून गळा कापतो पुढारी

झाकली मूठ सव्वालाखाई घरोघरी
ज्ञानराज हांगून गेले सार्थ ज्ञानेश्वरी
माया लोभ जकला गुंता जटीलभारी
नाम घेता फुकाये तारी पांडुरंग हरी

    कविवर हेमंतराम पाटील-वरोरकर.
      8108419392.

लगीनसोहळा

लगीनसोहळा

कुणीतरि आवर घाला लगीन खर्साला
जवडा खर्स घणा तवडा बहुमान त्याला
तालेवारांस लगीन म्हणजे दिवाळ सण
साक्षवीडा, मेहंदी, हळद मंग ढणाढण

लगीन म्हणजे दोन मनाया हृदयस्थ मेळ
पण  बडेजावापायी होतो पैशाया खेळ
हळदीला वारूणीया झिंगझिंग झिंगाट
मटण कोंबडवड्याहा तर लाखाया घाट

लाखाया मंडप पारव्या दिव्याही आरास
जेवणावळीये बेचव सतरा प्रकार खास
अन्नाही नुसती नासाडी अन पैशाही वाट
भल्या माहणा बुधा क्यालारं अवडा थाट

अनाथाश्रम तुमसी वाट पावतात निशिदिन
त्यांना करा सहाय्य पदरीपुण्य सत्पात्री दान
अटे गरीबांस दोन घासही मिळणे दुरापास्त
रजिस्टर लगीन पर्याय स्वस्त आश्वस्त मस्त

कविवर हेमंतराम पाटील-वरोरकर
    8108419392.

ठकास महाठक

 

ठकास महाठक
           

अवलिया आला दारा कुडमुड्या ज्योतिष
भोट्यान बोलला कुंडली तुमसी झकास
हात दावड जरा तुमसा पावतो भविष्यास
तळहाती तुमस्या बलवान हाय धनरेष

बरास वेळ घेवून हातात हात पावत रेला
पालथाकरुन बोले आजवरी पैसा ना टिकला
बो भोळा स्वभाव तुमसा झट भरोसा करता
काढून पैसा खिशातला पटकन देऊ करता

तुमी करता मदत दुजा तुमस्याकामी  येत नय
राग राग घरात उगी लेकरांबाळांवर खेकसताय
जवळसं लांबसं कळेना तुमी हत्तीगत सरळमार्गी
पटकन पचतात तुमाला बीजाही पुराणाही वांगी

सुख लिवलं कपाळी तुमस्या हांगतो तेवढं करा
कुळदैवता भेट दे आय लक्ष्मीही ओटी भरा
तुमसा देव हांगतो गावठी कोंबडा बकरा मारा
पैका मोप येणार हाय तुमी ओंजळ खाली करा

मंग मी उत्तरलो,जोशा आता तुहं भविष्य ऐक
नवलाईनं मला बगत गर्भगळीत जाला ठक
बळजबरीनं  मग त्याया हात हातात की घेतला
नय धनरेषा तुह्या हाती भिकारी ठक कुठला

अयला आलास तू ठका हाकलून बयेनं लावला
दारु, गांजा व्यसनापायी तू वस्तूवाणा  विकला
पोरांटोरांना होडून आता संन्यास अहा  घेतला
संधीसाधूबाबा पळभरही मायाहमोर ना टिकला

आयकून शब्दबाण उर्मी त्याह्या बो बो  झोंबले
बंबंम भोले  पुटपुटत दाढीहे दोन किही उपटले
भोट्टे डोळे करून उसासा होडत काळे तोंड केले
ठकास महाठक बनून कविवरे भामट्या नमविले

     कविवर हेमंतराम पाटील - वरोरकर
     8108419392.

एक रूपया दान

एक रुपया दान

महादेवाया देवळात गेलाे नतमस्तक हाेउन जवा
दाेनवे हात जाेडून दानपेटीत टाकला रूपया तवा

रुपया टाकला न काय नवल प्रत्यक्ष उभा महादेव
देव बोलला क्याला केली मठात येव्याही उठाठेव

अरेच्या एका रुपयात साक्षात जालं महादेव दर्शन
अह्या साक्षात्कारापासून वंचित कवडेक महाजन

देव वदला ,भोट्टाबिलंदर हाय तू वाडवळ गड्या
दानपेटीत फक्त रूपया अन मागण्या कवड्या?

मायाघरा लक्षुमी येउन दे,पाेराला लागूदे कामधंदा
जाे जे वांछील ताे ते लाहो, वारे वा काय यो सौदा

अरे देवळात येऊन दुकानात आल्यागत वागताेस
शिवाय एका रुपयात अवडं सब्बन मागताेस?

अरे देवा,मी मांगटल तू  दिलं अह कवा जालं का
ईमानी माहणाया कष्टाला फळ कवा आलं का?

ज्यांसी पाेट खाऊन फुगली, त्यांसी तू भर करतोस
अन मी  रुपया दिला भगून डाेळे काय वटारतोस

माया रुपयाला कमी लेखू नको देवा,हिणवू नकोस
यो रुपया घणा सात्विक हाय देवा नको अवमानुस

कविवर हेमंतराम पाटील-वरोरकर.
8108419392.

मराठी राजभाषा दिन

मराठीभाषा दिन अनंत अमुची ध्येयासक्ती अनंत जरि भाषा विसरू कसा मायबोली असे माझी राजभाषा अजाण आम्ही मायबोलीची अजाण लेकुरे जन्मदाते तुम्ही सुज्ञपालक आम्हा शिकविणारे इंग्रजाळू बाळू आम्ही तुम्हीच की घडवून धन्य कशास डांगोरा पिटती आत्मस्तुती पोकळ शून्य एबीसीडी गर्भसंस्कारी ऐसा अभिमन्यू इंग्रजी ऐकू द्या मायबोली भेदीन भाषाचक्रव्यूह आजी चार टक्के कसेबसे नावाजले इंग्रजी माध्यमातून उर्वरित शहाण्णव बघतात फक्त मोठा 'आ'वासून अजाणबाळा काही कळेना पालक त्यांचे मालक मग कार्ट वाया गेल म्हणून खाजवत बसती डोस्क मराठी दिनी घ्या प्रतिज्ञा मायबोलीतून शिकण्याची वेळ आहे मराठमोळा मराठीबाणा टिकविण्याची कवी - हेमंत राम पाटील. मराठी दिन २७/२/२०१९. दहिसर- मुंबई. 8108419392.

वरोरनगरी

🌹✍ वरोरनगरी✍🌹
माही वरोरनगरी म्हणजे अवघी आनंदनगरी 
वहती बामण माळी हरिजन मांगेले भंडारी

खंबायमाता विठ्ठलरखुमाय साई दैवते मंदिरी
भगता वारूनी हरती समस्त दुःखे परिवारी

जकले वाडवळ जाणती उपजावू माती वरोरी
पेराल ते उगवेल सुपीक मोरडात समुंदरतीरी

बागबगिचे फुलले तरू फळले डवरल्या वल्लरी
वांगी मुळे पापडी तांबोटी भाज्या हेंगा गवारी

नय भेदाभेद जातीपातीहा सुखशांती  घरोघरी
गुण्यागोविंदाने नांदती मजेत सब्बन गावकरी

सलोख्यात एकनंबरी जाणून बहू दुनियादारी
स्वर्गलोकी वाटेल हेवा ऐसी वरोर दूहरी पंढरी

येती तरी सुखे या जाती तरी सुखे जा ममवरोरी
परकेपणा न वाटे कुणा वा बोझा न कुणावरी🚩

    हेमंत राम  पाटील -वरोरकर
मुंबई 400068.
🌹🌹🙏✍🌹🌹

महणात गेली

ती माहणं महणात गेली
           (वाडवळी गझल)

लांडीलबाडीनं दुहर्याही दौलत ज्यांनी हडपली
ती लांडगी महाणं माहणं नुरता महणात गेली

घरफोडी करून नांदती घरं ज्यांनी दुभंगली
ती घोर्पडी महाणं माहणं नुरता महणात गेली

वारूणीहंगे जिंदगी ज्यांची बाटलीत बुडाली
ती आसुरी महाणं माहणं नुरता महणात गेलीं

ऐदीपणे दुहर्या तव्यावर पोळी ज्यांनी हेकली
ती बांडगुळ महाणं माहणं नुरता महणात गेली

आप्पाबापा  डोवरपणी  भीकेही वेळ आणली
ती सौदागर महाणं माहणं नुरता महणात गेली

       हेमंतराम पाटील-वरोरकर.

गोड बोला

गोड गोड बोला

घेताना माहणू गोडगोड बोलतो
परत करताना मातुर कदोठा तुटतो
तीळगूळ घ्या गोडगोड बोला भाय
गूळातून गोडवा जाता बाकी काय?

भीड ठेवाल ते भीक मागव्या लागेल
गोड बोलबच्चन धुतारे पार नागवतील
एकदा का अनुभव आला की सावधान
दुहर्यावेळी बंद करा देणं उसनवारीनं

गोड बोला यो संदेश बहुदा सत्याग्रहीहाटी
क्यव ते मरेस्तोवर यांसी कोरडी रेते घाटी
मधगळे मधाळ बोलून पळवती तूपरोटी
कडव्या फटकळ बोलापायी हाती नरोटी

गोडगोड बोल बये मोहनवर मोहिनी घाल
जाळ्यात मासा गावला की झालं चांगभलं
भल्या बुधा गोड बोलून करती भुलभुलैया
पाठी लागतो हाहुरवाडा तहहयात भय्या

       हेमंतराम पाटील-वरोरकर.
       मकरसंक्रांती १५/१/२०१९

डोस्क ठीकाणी हाय का ?

डोस्कं ठीकाणावरं हाय का?

उभारा उभारा उस्से पुतळे महापुरुषांसे
होऊ देत कोट्यावधी खर्स रयतेहे पैसे
बांधा बांधा देऊळं बांधा जरि वादग्रस्त
तेत्तीसकोटी देव नांदोत मंदीरी समस्त
राम कृष्ण आले नि गेले मूर्तीरूप जाले
डोस्क ठीकाणी हाय का? पुसणारे नुरले

जागोजागी सिमेंटी डोलारे अर्धवट उबे हात
बिल्डर नशेत न ग्राहक बहले हायहाय करत
कवडेक घोटाळे जाले वार्यावर विरून गेले
ठगांनी ठगविलेले ठणाणा करून गप्प जाले
कोणीही शासक येवोत लुटेरे लुटत हुटले
डोस्क ठीकाणी हाय का? पुसणारे नुरले

सवलतीह राजकारण वाढत गेलं गजकरण
जातीपातीया शृंगापत्तीत गरजूयं होते मरण
आर्थिक निकषावर सवलती द्या समद्यास्नी
नयते तुला नय माला नय घाल कुतर्यास्नी
अच्छे दिन बेपत्ता बहुजन मात्र दीन जाले
डोस्क ठीकाणी हाय का? पुसणारे नुरले

     हेमंत राम पाटील-वरोरकर.
8108419392

तिरंगा

🇮🇳🇮🇳🇮🇳 *तिरंगा* 🇮🇳🇮🇳🇮

अभिवंदनीय गणतंत्रदिन
       
🇮🇳या देशाची शान आणि आन तिरंगा
आम्हा भारतवासीयांचा प्राण तिरंगा🇮🇳

🇮🇳जयहिंद नारा अमुचा,हाती तिरंगा
अखिल भारतीय गाती जयगीत तिरंगा🇮🇳
🇮🇳निळ्या आभाळी फडके अभिमान तिरंगा
तिन्हीलोकी श्रेष्ठ अमुचा भारतीय तिरंगा🇮🇳

🇮🇳क्रांतीकारक कुर्बान ,घेऊन तिरंगा
वीरजवान शहीद झाले मिरवित तिरंगा🇮🇳
🇮🇳सदैव लहरत राहो विजयी विश्वतिरंगा
अभिमानाने जपू मान वंदनीय तिरंगा🇮🇳 

🇮🇳स्वातंत्र्याचे प्रतीक आमचा मान तिरंगा
अखंड एकतेचे विजयगीत  तिरंगा🇮🇳
🇮🇳कोटी कोटी जनांचा प्राण हा तिरंगा
प्रण घेवू अर्पू प्राण आम्हा प्रिय तिरंगा🇮🇳

🇮🇳हुतात्म्यांची प्रेरणा सदोदित तिरंगा
ताकद आमुची वर्धमान बुलंदी तिरंगा🇮🇳
🇮🇳स्वातंत्र्यलढाई जिंकून विजयी तिरंगा
अविरत फडकत ठेवू हा विश्वतिरंगा🇮🇳

🇮🇳करतो आम्ही प्रणाम हा अमर तिरंगा
लाल किल्ल्यावर डोलतो डौलात तिरंगा🇮🇳
🇮🇳हा देश माझा महान, सन्मान तिरंगा
दैववशात लाभले वरदान आम्हातिरंगा🇮🇳

🇮🇳क्रांतीचा ज्वालामय अग्निपथ तिरंगा 
जन्मभूमी भारतभूची रक्षक ढाल तिरंगा🇮🇳
सत्यमेव जयते ब्रीदवाक्य जयघोष तिरंगा
सव्वीसदली पुष्प अर्पितो कविवर तिरंगा

कविवर हेमंतराम  पाटील.२६/१/२०१९
बी-२०१, त्रिवेणीसंगम,तावडेवाडी,
एल.टी.रोड, दहिसर (पश्चिम ),
‌मुंबई ४०००६८.M-8108419392.

प्रिं. भानुदास सावे

प्रिंसिपाँल भानुदास सावे

प्रिंसिपाँल भानुदास सावे आदर्श गुरु अमुचे
सिद्धहस्त संचालक मौनीविद्यापीठ गारगोटीचे
पाटीलवाडा चिंचणीचे मणिरामसुत विद्वान महा
लखाकता नभांगणीचा भूवर उतरला तारा हा

भावभोळा सांबाचा अवतारचि जणू अवतरला
नुसत्या दर्शनांती समाधान शिष्यगण पावला
दास हो आम्ही या गुरुवराचे धन्य जगी झालो
सर भानुदास मणिराम सावे गुरुकृपे उद्धरलो

मणिराम पित्याचे स्वप्नपूर्तीस्तव चिंचणी गाठले
निवडुंगी कंटकीय जीणं रसाळ फळासी आले
राम हेराम बीजमंत्रे वाल्मिकी आम्ही घडलो रे
मम के.डी. हायस्कूल चिंचणी लौकिकास आलेरे

मोरया तू मोरगावचा चिंचणग्रामी प्रगट जाहला
रेणूअणूचा विज्ञानवादी बुद्धिवाद बिजांकुरला
श्वसन हे अक्षरब्रम्हाचे श्वासागणिक सारे जगले
रम्य असे विद्यार्थीजीवन भानूसवे तेजोमय झाले

सारेगम पधनिसा सप्तसूर झंकारून निनादले
वेदांना जे नाही कळले ते ज्ञान गुरुराये दिधले
सकल शिष्यां  समता ममता बंधुता शिकविली
रज तम गुण त्यजूनी सात्विक सुमने घडविली

     कविवर -- हेमंत राम पाटील .एस एस सी १९७१
201बी/ त्रिवेणीसंगम,. तावडे संकुल, दहिसर(प).
मुंबई 400068. मो. -- 8108419392.

स्नेहमयी राजस्थान पर्यटन

वँलेंटाइन स्नेहमयी सहल समारोह

श्री सिद्धिविनायक नेहानिल टूरटूर पर्याटन
उत्तम बडदास्त ठेवून सोयसुविधा करी प्रदान
जेष्ठस्रेष्ठ बहुजनांसी सांभाळीती देती सन्मान
कवतुकमय आपुलकीने  होती साजरे वाढदिन

तेहत्तीस पर्यटक नांदले घरोब्याने पंधरा दिन
समासमी जुळूनबंध योगायोगे सुयोग वँलेंटाइन
मेवाड मारवाड दौरा सफल जयजय राजस्थान
सह्याद्रिचे पुत्र आम्ही केले अबूपहाडी प्रस्थान

वाळवंटी वाळूचे डोंगर मरूभूमी रमले हे मन
तंबूनिवास जैसलमेरी नर्तनगणी अनुभव छान
उंटावरची सफर राहील मम स्मरणात दिनोदिन
बिकानेरी जयगड सुंदर उंदिरमामा मंदिर महान

उदयपूरचे शिल्प गाती राणाजीचे पवाडकथन
जोधपूर पूष्कर अजमेर देखता हरपले भान
चितोडची राणी पद्मावती धन्य धन्य पावन
अब्रू रक्षणार्थ केला जोहार अपुले प्राण अर्पून

जयपूर गुलाबी पत्थरमय वाळवंटी नंदनवन
जंतरमंतर आमेरगड बिर्लामंदीर हरितोद्यान
आनंदाचा कंद ऐसा देई मना अति समाधान
श्री सिद्धिविनायक टूर्स घडवी सकला पर्याटन

      हेमंत राम पाटील. 8108419392
दहिसर , मुंबई. 14/2/2019.