नदी

🌄🏖🏝  नदी
नदी भेटली समिंदरा परत फिरेना माघारा
तिया नशिबातस नाय परतुन येणं माहेरा
दिहते तह नहते माया बाया बापुड्यांनो
नदी माहेराशी जाते भगुन जग सालते बाप्यांनो
सब्बन जीणं नदीह पोटात घेतो समिंदर
तरि तिला आठवतो जल्म दिलेला डोंगर
डोंगराह्या मायेपोटी वाफेह रुप लेवूनिया
नदी तरंगत जाय पाखं वार्याहे लावुनिया
पुनः होऊन लेकरू नदी वाजविते वाळा
पान्हा फुटतो डोंगरा न मंग येई पावसाळा.