कमळू न्हावी
कचकच चाले केसावरून कमळू काकाची कैची
कैक डोस्कीवरुन केसझिपर्या लिलया उडवायची
वडाच्या पारावर बस्तान न्यारीच मजा सलूनची
झटझट झावळी उडवी करामत कमळून्हाव्याची
गावगजालीचा विपुल साठा शैलीदार कथाकथन
करमणूक करी कमळू कैचीने करीत केशवपन
तोंडाचा पट्टा चालवित होई जेष्ठांचा गोटा छान
बाकी हजामती कौशल्याने हवी तशी फँशन
ईतवारी कायम कमळूचे चाले अखंड केशकर्तन
दाढीसफासफ कुणाचे मुंडण जायवळी केशदान
दुपारच्याला हांड्यागोविंद देई कमळूस भोजन
विसावा घटका भरता पारावरती होई पुनरागमन
स्मरतो आजही कमळू हजाम हजामती सम्राट
बाल्यकेशसंस्कार आठवत चालतो सलूनची वाट
कमळूसंगे कारागीरी गेली आता केसंही ना दाट
दाढी काढी घरच्याघरीच वापरून पात जिलेट
.........कविवर हेमंतराम पाटील.
No comments:
Post a Comment