सूर जुळाले

शेलकाव्य उपक्रम

सूर जुळाले

शब्दधन हाची ठेवा
ठेवा जपून अंतरी
शब्दावीण सारे उणे
उणे देवत्व मंदिरी

मंदिरात अंतरात
अंतराळी तोच आहे
सूर जुळावा त्याच्याशी
त्याच्यापाशी सर्व आहे

माझी लेखणी दिवाणी
दिवा लावी कवितेचा
शोध घेवोनिया पाही
पाही आशियाना त्याचा

शब्दरूप ईश्वरू तो
तोच आहे कवनात
त्याला भजा निशीदिन
निशीदिन  दिनरात

प्रयत्नांती  परमेश
परमेश गवसला
माझा शब्दघन सूर
सूर काव्यात जुळाला

    हेमंत राम  पाटील
दहिसर-मुंबई
8108419392