"कविता आँफ द डे "
३/८/२०१८
भाकरीचा चंद्र
भाकरीचा चंद्र भूवरीचा लाभावा सर्वांपोटी
विठ्ठलाचे गोड नाम यावे ओठी भरल्यापोटी
भाकरीस्तव चाकरी बहुजना हवी सरकारी
कलह त्यासाठी चालला आहे हमरस्त्यावरी
भाकरीचा चंद्र गवसला की भूक यांची वाढे
सात पीढ्यां सौख्यासाठी धाव ब्रम्हांडाकडे
भाकरीचा चंद्र मिळता होते नकोशी भाकरी
पिझ्झा बर्गर चायनीज बिर्याणीवर ताव मारी
पूर्वजांनी लक्ष्मीपुत्रा धनदौलत साठा ठेविला
भाकरीचा चंद्र त्यांनी निर्धनांसि दुर्मीळ केला
घरची कांदाभाकर मिळण्या भाग्यशाली हवा
बाजारू खाणार्यांनो तुम्ही घ्या वैदूराजांचा दवा
शंभरीच्या आत बहुदा स्मशानघाटी तीर्थयात्रा
पाचशे वर्षासाठीची कमाई खाणार का कुत्रा
भाकरीचा चंद्र जर हरेक जनमाणसा लाभावा
गरजेपेक्षा जास्त साठा कायद्याने जप्त व्हावा
कवी- हेमंत राम पाटील. मुंबई-400068.
8108419392.
No comments:
Post a Comment