लाडू घातला खावयाला
बालपणी गरीबी होती पाचविला पुजलेली
चिंचणी बाजारपेठी जावेलागे पावलोपावली
मिलोजवारी झोळी पाठीला घरी परतत होतो
ब्राम्हणआळी जवळ तरूतळी विसावत होतो
अचानक आपुलकीची हाक आली कानावर
अरे केसरी रस्त्यावर उभा का?ये ओटीवर
हाकेच्या दिशेने पाहिले अन चकीत झालो
गुरूवर्य बेहरे सामोरे पाहून भानावर आलो
गौरवर्णी सात्विक केशव बेहरे मुख्याध्यापक
बसविले मला हाताला धरून देऊन बैठक
फायनलच्या वर्षाला असताना ते रूजू झाले
एक वर्षाच्या कारकिर्दीत विद्यार्थीप्रिय झाले
उपाशी तापाशी चिंचणी-वरोर वारी अनवाणी
पाझरले गुरूजी दिला लाडू पाजूनिया पाणी
गावढळ हरीने गाडीतबसाया जागा नच दिली
दयाधर्म शिकवणूक गुरूने बालमनी कोरली
...कवी- हेमंत राम पाटील.8108419392.
No comments:
Post a Comment