शीतल जलसमाधी
किसान कन्या विशीत जलसमाधी शीतल
हुंड्याचा रिकामी हंडा बाप झाला हवालदील
पाच लाख हुंडावळ लग्नाचा सौदा बाजार
हुंड्याची कुठार घाली सपासप घाव तरुवर
दुष्काळी अवकळा आली कुत्राही पुसेना हाल
हुंड्याचा रिकामी हंडा बाप झाला हवालदील
बँकेचे कर्ज डोईवर मेटाकुटी किसान खिन्न
कन्यारत्न ऊजवेना हुंड्याबिगर बोहलासुन्न
बापदुःखात डुंबे कन्या निघाली देवाजीघरा
थिटी पडली पुरोगामी सुधारकी विचारधारा
रुढी प्रथा परंपरा कैक अद्यापि क्रूर जहाल
हुंड्याचा रिकामी हंडा बाप झाला हवालदील
अरे मर्दा हुंडाजोगवा मागणे कदा बरे नव्हे
बायको पोसणे शक्यनसता लग्न करणे खरे नव्हे
फुकाफुकी लेकींचा जर वायाळ रुपे अंत होईल
परिणिता वधूविण वंशदिवा मंदावून विझेल
प्रथा रुढी अमंगल बिगरहुंडा होवो शुभमंगल
हुंड्याचा रिकामी हंडा बाप झाला हवालदील
........हेमंतराम पाटील. दहिसर -मुंबई.
भ्र.ध्व. 9757340310
No comments:
Post a Comment