वृक्षदिन
धन्य धन्य तरुवर सांभाळून पर्णभार
सावली मायेची देवून करी आम्हा गार
झेलून अंगावर ऊन तुफानभरलं वारं
पत्री फूल फळ दाता ऐसा विश्वंभर
निस्वार्थ तुझी सेवा जन खाती रानमेवा
खाल्या पानावर छीटू नकोस मानवा
सपासप चालविती कुठारी असुरी कावा
उजाड डोंगर रान खेडोपाडी गावोगावा
वर्षाकाठी एकदिन वृक्षारोपण दिखावा
शंभरटक्के हरितक्रांती करति फुका दावा
बुडलोट कटाई केले हिरवे जंगल सपाट
भोवतो आहे आता निसर्गाचा तळतळाट
धरीत्रीचे असाल जर सकल सच्चे धन्य पुत्र.
लावून झाड जगवा तरुबन वृक्षसंवर्धन सर्वत्र
स्मरोनी महाराज शिवरायांचे सार्थ आज्ञापत्र
कविवर जाणितसे वृक्ष जैसा नसे अन्य मित्र.
.........पी.हेमंतराम कविवर.
No comments:
Post a Comment